- 45 -

1352. August 9.

Notum sit omnibus et singulis hanc litteram inspecturis vel audituris, Quod Nos Otto et Jesco fratres de Lynauia cum Clara sorore nostra mentibus et corporibus nostris plene sani Sponte voluntarieque Bona nostra in villa Rescav vulgariter dicta prope Civitatem Nouamecclesiam situata, videlicet quatuor Mansos quos habuimus post vendicionem Pusonis et ipsius resignacionem, cum omnibus et singulis eorum utilitatibus, proventibus et pertinencijs in quibus consistant, eciam cum pleno Jure et dominio prout ad nos noscuntur pertinere, Deodicate virginj domicelle Evfemie Germane Lestkonis pie memorie olim Ducis Rachibonensis, totique communitati sororum sanctimonialium sub professione ordinis Predicatorum in Civitate Rachibor et Claustro earum ibidem vendidimus, et ex nunc eadem bona cum omnibus predictis predicte domicelle Evfemie, Sororibus et Claustro earum resignamus, eisdem bonis cum omnj posteritate nostra et Sorore predicta perpetuis temporibus abrenunciamus, Promittentes eciam eadem bona cum omnibus predictis sicut superius expressum est eisdem domicelle Evfemie, Sororibus et Claustro earum coram provinciali Judicio in Civitate Oppauia una cum sorore nostra predicta liberaliter resignare. In cuius rei Testimonium presentem litteram conscribi et nostris Sigillis mandavimus munimine communiri. Datum Rachibor Anno domini M°. ccc°. Lij°. In vigilia b. Laurencij Presen¬tibus hijs Militibus, domino Walthero de Kacer, domino Henrico dicto Hoberg, domino Michaele Judice Castri Rachibor, domino Hyncone de Lubsichcz, Sbencone de Turcav Wlmanno de Lynauia et alijs multis.

Die Siegel fehlen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.